Art en baselgia

 

Informaziun «art en baselgia»

 

Preziadas parochianas, preziai parochians

 

El decuors dallas davosas jamnas havein nus retschiert numerus resuns sin l’idea dad embellir la baselgia parochiala a Breil cun in maletg contemporan. Persuenter engraziein nus. Ils resuns duein gidar nus ad eruir, schebein ed en tgei fuorma nus duein persequitar vinavon il project. L’evaluaziun dallas rodund 40 posiziuns en scret muossa il suondont resultat:

 

Singulas persunas ein persuenter da schar la preit vita, aschia sco quei ch’ella sepresenta uss.

 

Pliras vuschs han breigia cun la skizza «Casa da Diu» digl artist Robert Indermaur e vesan en quella negina ni mo ina minima relaziun tier igl agen maletg dil cristianissem resp. dalla baselgia. Entgins puncts criticai da lezza vart ein: Il maletg provochescha in sentiment da sgarschur, la casa regorda vid in baghetg destruiu dall’uiara, las figuras sepresentan memia stgir e senza veta.

 

La plipart dils resuns beneventa in maletg che va en direcziun dalla skizza digl artist. Pliras persunas ch’ein s’exprimidas positivamein davart il maletg han dau impuls per adattar la skizza sco p.ex.: Seschar inspirar dallas casas e dalla natira da nossa regiun, colurs pli claras, mussar pli gronda letezia e levezia. S’

 

Quei ein sulet entgins exempels. Els motiveschan nus dalla gruppa da lavur da cuntinuar cun l‘ idea. Ils resuns inoltrai vegnan pri serius e duein gidar nus ed igl artist da sviluppar vinavon la skizza. Oravontut vulein nus integrar pli veseivlamein la simbolica cristiana. Sco gia exprimiu en la descripziun dil project setracta ei tier la proposta sulet dad ina skizza, in’idea, e buca dad in model ni in prototip.

 

Nus essan pertscharts che gl’entir project drova temps per madirar e sesviluppar. La situaziun actuala che lubescha ton sco neginas sentupadas ed impedescha aschia era il brat da meinis, discussiuns ed informaziuns arisguard il project, pretenda dad interprender pigns e plauns pass. Sco ch’igl ei puspei pusseivel da s’inscuntrar ei previu ina orientaziun publica, sche pusseivel era en preschientscha digl artist.

 

Da pliras varts ei vegniu renfatschau agl artist da vuler plantar el maletg in‘ ideologia dil moviment scientologic. Che Robert Indermaur ei staus simpatisant da tala ideologia ei enconuschent a nus. En in dils emprems discuors ha el denton sincerau dad esser sedistanziaus da tal moviment. Per sclarir detschartamein quella renfatscha havein nus suttamess la skizza ad in’expertisa dil pader gesuit Friedhelm Mennekes, ch’ei denter auter cussegliader d’art dil decasteri da cultura dil Vatican. Mennekes ei incantaus dalla lavur artistica dad Indermaur e dalla skizza presentada. Davart ils suspects scientologics s’exprima el: „Nur kopfschüttelnd kann man einige Berichte lesen, in denen Kritikaster diesem Künstler an die Ehre gehen, um ihn als einen Bildermacher der Scientologen vorzustellen. (…) Ohne hier eine Seite gegen die andere ausspielen zu wollen, lässt sich sagen, dass der Realismus dieses Bündner Künstlers damit in keinerlei Zusammenhang stehen kann.“ Tgi che ha interess da leger l’entira expertisa da treis paginas sa bugen retrer ella tier in dils commembers dalla gruppa da lavur.

 

Sco gia menziunau en la descripziun dil project succeda la finanziaziun dil maletg independent dalla pleiv e dalla sanaziun dalla baselgia parochiala, terminada igl atun 2020. La fasa dil recaltgar ils daners ei previda pér suenter in’eventuala approbaziun dil project entras la radunonza da pleiv.

 

Sco gruppa d’interess vulein nus aunc inaga puntuar igl interess primar, numnadamein quel d’embellir nies sanctuari cun in’expressiun da cardientscha ord nies temps. Sut neginas circumstanzias vulein nus sfurzar atras in’idea che vegn buca purtada dil surpli dils parochians.

 

Cun amicabels salids
Gruppa da lavur „art en baselgia“

 


In maletg d'art contemporan en la baselgia parochiala da Breil

 

El decuors digl onn ei seformau ina gruppa da lavur che s‘occupescha cun l‘idea da realisar ina ovra d‘art en la baselgia parochiala Breil.

 

Pertgei in maletg?

  • Cun ina ovra d’art continuescha la pleiv la liunga tradiziun da plidentar il visitaders dalla baselgia cun maletgs da preit significativs. En quella tradiziun stattan era las capluttas da sogn Sievi, sogn Martin e Sogn Giacun. Ellas ein ornadas cun ovras d'art e cardientscha, picturadas ils davos 600 onns.
  • Maletgs el spért dil temps dattan ina digna tempra ad in sanctuari. Els gidan a crear in'atmosfera emperneivla ed arvan il cor per novas dimensiuns, era el sectur religius.
  • El temps actual drova la baselgia novs impuls e mieds per tschaffar il carstgaun e render attractivs in sanctuari. Maletgs ein oz pli che mai impurtonts e tuccan profundamein. Las baselgias ein gia dapi l'entschatta dil cristianissem in liug da sentupada per cartents ed ein gia da vegl enneu vegnidas enrihidas cun ovras d’art. In’ovra d'art contemporan el spért da nies temps vul documentar aspects dalla veta ch'occupeschan nus sco carstgauns cartents en nossa relaziun cun Diu.

Buc mo conservar e restaurar –

mobein era laschar anavos in segn da nies temps

 

Dapi l’engrondaziun da nossa baselgia igl onn 1965 ei la nav baselgia determinada da duas preits significontas. La preit el sid vegn interrutta da numerusas finiastras. La preit dil nord fuorma ina gronda surfatscha alva. Quella preit seporscha per in maletg pli grond denter l'orgla e la scantschala. Il maletg d’art ei in project supplemetar el rom dalla renovaziun gest terminada. El integrass in segn da nies temps e da nies mund el sanctuari.

 

A caschun dalla devoziun da Taizé dil fevrer 2020 ei l’idea per in tal project vegnida presentada l’emprema gada a parochianas e parochians. Suenter la devoziun ei vegniu aviert ina runda da discussiun nua che tuts presents han saviu s’occupar cun l’idea, prender posiziun e formular emprems giavischs enviers in’eventuala ovra.

 

La gruppa da lavur ha evaluau la discussiun ed ei, sin fundament dil resultat, ida alla tscherca dad in’artista ni in artist che corrispunda als giavischs offniai. La finala ei la gruppa sedecidida da contactar igl artist grischun Robert Indermaur en caussa. El rom da divers discuors denter igl artist e la gruppa ei vegniu secussegliau, co tematicas e maletgs biblics san vegnir veseivels en ina pictura concreta moderna. Sco cussegliader ei il professer da teologia Christian Cebulj staus a disposiziun. Sin fundament da quels discuors ha Robert Indermaur skizzau in’emprema proposta dalla “Casa da Diu”, sco el numna sia idea.


«La Casa da Diu»: Emprema skizza da Robert Indermaur.


Igl ei d’impurtonza da saver ch’ei setracta cheu dad ina skizza che muossa in’emprema idea, in punct da partenza/in punct da discussiun.

 

Il maletg muossa la „Casa da Diu“ e sefatschenta cun in maletg profund biblic. El cuntegn il patratg ch’il Reginavel da Diu seformescha gia cheu sin tiara cu carstgauns vivan en pasch in cun l’auter. La «Casa da Diu» sesarva enviers ensi; e pli lunsch ch’il visitader passa en baselgia e pli fetg ch’il tschiel vegn veseivels. Il maletg associescha era l’empermischun da Jesus: En la casa da miu Bab ein bia avdonzas (Gn 14,2s). E buc il davos ei il maletg in credo ella carezia da Diu, che empermetta in plaz a tuts carstgauns, independent da lur derivonza, schlatteina e status social.


Igl artist: Robert Indermaur

 

«Er zeichnet Menschen, deren Gesichtszüge so echt sind, dass man mit ihnen sprechen möchte», aschia caracterisescha in schurnalist igl art da malegiar da Robert Indermaur. Il maletg ch'el creescha duei esser concrets e capeivels per tgi che pren peda da mirar e capir. Ins ha sapientivamein buca vuliu in'ovra abstracta, mobein in maletg cun carstgauns e scenas ord il mund e la veta dad oz, cun cartgauns che vivan valetas cristianas. Leutier ei il maletg aviarts per ulteriuras interpretaziuns, eis el gie rehs en la simbolica.

 

Robert Indermaur ei in artist versau e cumprovau en biaras ovras ed enconuschents lunsch sur ils cunfins dil Grischun e la Svizra ora. Ils detagls da sia biografia, sia lavur artistica, sias exposiziuns e publicaziuns ei da leger sin www.indermaur.net.

 

Tier siu project previu s'exprima Robert Indermaur sco suonda:

 

«Es wäre für mich eine Freude und eine anregende Herausforderung, dieses Wandgemälde in der Kirche von Breil/Brigels realisieren zu können. Mein Leben lang habe ich mich als Künstler mit der Darstellung von Menschen und ihren Schicksalen auseinandergesetzt. In meinem Werk spiegeln sich Werte und Haltungen, die in der Welt von heute über alle Grenzen hinweg gelten und auch von den grossen Weltreligionen vertreten werden. Ich fühle mich gut vorbereitet für diese Aufgabe.

 

Um den Bezug zur christlichen Lehre und Szenen und Gedanken aus dem enormen Bildfundus der Bibel ins Bild zu integrieren, suche ich gerne das Gespräch mit Fachleuten aus dem theologischen Bereich."

 

(Resumau ord discussiuns cun igl artist)


Posiziun digl anteriur menader digl Uffeci per la tgira da monuments dil Grischun

 

«... Es besteht in unserem Kanton eine lange 1500 Jahre alte Tradition der Kirchenmalerei. Diese Überlieferung fortzusetzten scheint mir ein würdiges Bemühen. Der etwas nüchterne Neubau des Schiffes der Pfarrkirche in Breil, geplant und ausgeführt von Architekt Georg Berther im Jahr 1963, verdient durchaus eine Bereicherung durch ein zeitgenössisches Kunstwerk. Für ein gegenständliches, figurenreiches, grosses Wandbild verfügt der Künstler Robert Indermaur über besondere Voraussetzungen. Ich bin sicher, dass er mit seiner reichen Erfahrung diese anspruchsvolle Aufgabe mit Können, Sorgfalt, Einfühlsamkeit und Witz meistern würde. (...)

 

Als ehemaliger Denkmalpfleger des Kantons Graubünden, der die Konservierung und Restaurierung vieler Kirchen begleiten durfte, würde es mich ganz besonders freuen, wenn in der Pfarrkirche St. Maria in Breil in alter Tradition ein zeitgenössisches Kunstwerk geschaffen werden könnte. ...»

 

Dr.Hans Rutishauser, anteriur menader digl Uffeci per la tgira da monuments dil Grischun


Posiziun dil professer per pedagogia religiusa e catechesa alla Scol’aulta da teologia Cuera ed anteriur rectur

 

Die eindrucksvollen Gesichtszüge der Menschen in den Werken von Robert Indermaur erinnern mich an die Jubiläen zum 70. Jahrestag der „Allgemeinen Erklärung der Menschenrechte“ (2018). Immer wieder ist damals daran erinnert worden, dass der Begriff der Menschenwürde aus der jüdisch-christlichen Tradition der Bibel stammt. Der Mensch ist als Frau und Mann Ebenbild Gottes, Individuum und einzigartiges Geschöpf. Es ist gut daran erinnert zu werden, dass wir uns als Menschen nicht uns selbst verdanken, sondern Gott, in dessen Gast-Haus wir immer willkommen sind. Die Pläne von Robert Indermaur für das Wandgemälde in Brigels, welches die Kirche als „Casa da Diu“, als Haus Gottes interpretieren, sind sehr vielversprechend. Es ist heute wichtiger denn je, dass sich unsere Kirche einladend und gastfreundlich zeigt. Ich wünsche dem Wandgemälde, dass es für viele Einheimische und Touristen zu einem künstlerischen „Türöffner“ wird, der ihnen wieder ein Stück Heimat in unserer Kirche bietet.

Termins:

 

La gruppa da lavur metta gronda peisa sin in’informaziun transparenta ed involvescha parochianas e parochians el process. Per quei intent preveda la gruppa da lavur ils suandonts pass:

 

 

 

fevrer 2020          devoziun da Taizé: Emprema confruntaziun cun l’idea d’ina ovra d’art en baselgia

 

zercladur 2020    cuorta informaziun dil project e sguard sin la skizza

 

schaner 2021      distribuziun dad ina carta postala cun la skizza en tuttas casadas dalla pleiv
                               lantschada dalla pagina d’informaziun www.pleiv-breil.ch/artenbaselgia

                               damonda per in resun e meini en caussa

 

primavera 2021   sentupada e runda da discussiun

 

primavera 2021   visualisaziun en baselgia

 

atun 2021            decisiun entras la pleiv

 

2021/22               finanziaziun

 

2022/23              realisaziun


Co finanziar il maletg?

 

Igl ei evident ch’in tal maletg ei buc gratuits. Per finanziar in tal project ei previu acziuns specialas. Ensemen cun agid dad instituziuns e fundaziuns culturalas ei la gruppa da buna speronza da saver finanziar il project.


Dalla gruppa da lavur art en baselgia fan part:

 

Michael Friberg, cau dalla gruppa

Flurina Cavegn-Tomaschett

Daniela Seiler-Albin

Sep Cathomas

Annadora Friberg

 

Els vegnan susteni e cussegliai da:

 

dr. Bernard Cathomas,

dr. prof Christian Cebulj,

dr. Hans Rutishauser


Persuna da contact:

 

Michael Friberg, cau dalla gruppa «Art en baselgia» e president dil Forum Cultural, 7165 Breil/Brigels

Tel.: 081 941 15 83; Mobile: 079 332 57 08