Messas fundadas

La gronda speronza da nossa cardientscha ei, che la Baselgia ei ina cuminoza dils vivs sco era dils defuncts; ina cuminonza che ligia il mund veseivel cul mund nunveseivel. Ei resta adina in ligiom tier quels ch' ein i ordavon a nus. Quella speronza semuossa ella liunga tradiziun dalla Baselgia da commemorar ils defuncts els survetschs divins. Nus rughein per els, e nus rughein ils sogns per lur intercessiun tier Diu.

 

L' oraziun pils defuncts, sco la commemoraziun dad els, survegnan era ellas messas fundadas ina expressiun concreta. Ils confamigliars ni enconuschents san schar far ina messa fundada per lur defunct, quei vul dir: Els san dar agl uffeci parochial l'incumbensa da far ina commemoraziun dil defunct en ina sontga messa, e quei duront in cert diember dad onns (5, 10, 15, 20 ni 25 onns). Quellas messas fundadas san esser ina biala caschun per la famiglia da vegnir ensemen e da patertgar vid lur confamigliars defuncts.

 

Sche vus leis fundar ina messa per in defunct, lu saveis vus bugen s'annunziar tier nus sigl uffeci parochial (info@pleiv-breil.ch ni 081 941 17 18)

Scadenza da messas fundadas egl onn 2017 (suenter 25 ni 50 onns)

Breil:

 

Eusebi Cavegn, Glieci e Filomena Cavegn-Bundi, Clau Giusep Tenner-Benetello

Dardin:

Augustin Maissen

 

Danis-Tavanasa:

 

Baseli Carigiet, Giacun Antoni e Maria Agatha Friberg, Anna Livers-Albin,
Giacun Giusep Muoth